कितीक दिसा नाही पहिले स्वामींच्या पाया
अक्कलकोटी जाऊनी येते माहेरी राया ||धृ||
दाटुनी येतो कंठ आठवूनी आईची माया
मोडू नका मागणे तुम्हासी विनवितसे राया ||१||
आतुर झाले नयन कधीचे स्वामी पहावया
पदर पसरुनी भीक मागते तुम्हापुढे राया ||२||
नाम अपुले कोरुनि गेला स्वामी या हृदया
प्राण दाटले कंठी मजवरी कृपा करा राया ||३||
परोपरीने हाक मारीते लेक स्वामीराया
सखा विनवितो दर्शन देवूनी धन्य करा राया ||४||
No comments:
Post a Comment