मागणे

श्रीगुरु यती मम दुःख जडावे
ऐसे कर्म न कधी घडावे
चरण तुझे मज नित्य स्मरावे
नित्य असे मागणे ।।

सुख दुःखाचा तूच नियंता
कर्ता मी न च, तूच करविता
कोरा कागद करूनी माथा
चरणी तव विरवणे ।।

सदा सर्वदा चंचल वृत्ती
संभ्रमित मती पोखरली स्मृती
डळमळीत मन विचलित चित्ती
तळमळणे शमविणे ।।

अंश पांगले विश्व विखरूनी
दंगल उसळे अहं-करोनी
मी-तू पणाची दरी सांधूनी
विलगपणा निरवणे ।।

अवचित अघटीत अतर्क्य बदलुनी
अगम्य जीवन सुरम्य घडवुनी
अमित सुखाचे घट पाजवुनी
अगमा-निगमा मिटवणे ।।