पौर्णिमेची
रात्र चमचम चमकती या चांदण्या
धुंद
आहे रात्र तरीही चांदणे हे मंद का?
चंद्रमाचे
चांदणे करी अमृताचा शिडकावा
थंड
आहे किरण तरीही तप्त भासे चंद्र का?
रातराणी
बहरली अन गंध प्रसवू लागली
भिजुनी
गंध बरसाती अंग माझे कोरडे का?
वाहता
वारा फुलवितो मनमयुराचा पिसारा
मोरपीस
लहरस्पर्श आज वाटे रुक्ष का?
गीत ते
अधरांवरी तरी अधर हे अबोल का?
रोज
करते मी प्रतीक्षा विरह हा संपेल का?
No comments:
Post a Comment