रंग दे

दे ना रंग मोरा अंग, माही साजना
देना रंग तोरा संग, माही साजना

आ ना रीत बनके जगकी, तू अंगना
आना प्रीत बनके मनकी, मनमोहना
दे ना रंग मोरा अंग ...

ले ना नाम, हो बदनाम, प्रेम गलियां
लेना नाम, खिल जाये प्रेम कलियाँ
दे ना रंग मोरा अंग ...

सुन ना, कहती क्या दिलकी नादानिया
सुनना, कहती क्या दिलकी बेचैनिया
दे ना रंग मोरा अंग ...

खो ना दिल का निशाना बन के बावरे
खोना दिल की धडकन में मेरे सावरे
दे ना रंग मोरा अंग ...

जा ना चलके बिरह की डगरिया
जाना भरके मिलन की घगरिया
दे ना रंग मोरा अंग ...

द्वैत

तुझ्यात मी अन तू माझ्यातच तरी दरी का रुंदावी
दोन मनांचा एक निवारा, गाठ अशी का बांधावी ।।


उगमापाशी एक असूनी बनती दोन किनारे
एक बीज का शाखा बनूनी अलग अलग विस्तारे
व्यथा मनीची भळभळणारी कशी कुणाला सांगावी ।।

तुझ्यात मी अन तू माझ्यातच तरी दरी का रुंदावी
दोन मनांचा एक निवारा गाठ अशी का बांधावी ।।


एकसुरी ही अशी वेदना माझ्यातच का उमटावी
सलही माझा छळही माझा, मीच मला समजावी
मी माझ्यातच अन तू मोकळा, भेग कशी मग सांधावी ।।

तुझ्यात मी अन तू माझ्यातच तरी दरी का रुंदावी
दोन मनांचा एक निवारा गाठ अशी का बांधावी।।

शुभ रात्री

आधे अधूरे अपनो में
....... आधा अधूरा अपना मै
कब तू पुरा कर दे मुझे
........ देख रहा हूँ सपना मै


फिर एक नयी रात ..
     लायेगी नया सपना
अच्छा दिन कलका हो
     चालू है इंतजार अपना


रात का पल .. ऐ दिल जरा संभल
उनकी याद में .. नींद कहा आए
बिना नींद के .. सपना कहा आऐ
बिन सपने .. सजन कहा आए


पापण्यांच्या पाकळ्यांत
.... अलगद टिपले डोळे
तत्क्षणी तुझ्या सयीत
.... रमले मन भोळे


वाट तुझी पाहताना
.... रात्र सरत आहे
निद्रेविण आज पुन्हा
.... स्वप्न झुरत आहे

हलकेच सरकली पापणी
डोळ्यांस टाकले मिटवूनी
येशील का ग तू सजणी
आता तरी या नयनी


श्रांतला हा जीव आता
शांतली ही पापणी
जाणूनी हे रात्रही
गंभीर झाली निरवूनी

बेलगाम

तुलाही नको मी ....
मलाही नको तू ....
परी रेशमाच्या ....
बंधा न ठावे ....

कसे ओळखावे ....
कुणा समजवावे
कुणाचे असे जे ....
बेलगाम मन धावे ..

नशा

ठाऊक आहे मला आता ...
पुन्हा असे घडणे नाही ...

छटाकभर नशा जरी ...
आयुष्य सारे झिंगून वाही ...

तुझ्या नजरेचा निसटता बाण ...
ती खूण ...
मी जपून आहे.

तू एकदाच पाहिलेस मला पण ...
तो क्षण ...
अजून स्मरून आहे.

निरीच्छ मी निर्विकार मी

निरीच्छ मी निर्विकार मी
ही भावना माझी खरी
परी माझिया वंशास देण्या
मज हवी मातब्बरी

मागणे मजसाठी नाही
ठाम मी हे जाण रे
पौत्र पौत्री यांस देण्या
द्रव्य दे आयुष्य दे

जगण्यास या विटलोय मी
हे आर्ततेने आळवी
अजूनी जरा आयुष्य दे
हे बोल उमटे अंतरी
                                                 
झोळी रिती दावून मी
धन धान्य भरले किती जरी
निरीच्छ मी निर्विकार मी
ही भावना माझी खरी

भिती

धावे मन वेगेवेगे
.... फैलावून हात
हमी काय गवसेल
.... मोकळ्या कवेत

तुटलेला धागा पुन्हा
.... कसा जुळणार
कसे मानू गाठ पुन्हा
.... नाही सुटणार

ओढावल्या भावनांनी
.... मन झाले क्षुब्ध
मधाळ चाहुल तिला
.... प्रतिसाद निःशब्द

उजळ दिशात वसते
.... अंधाराची क्षिती
पोळल्या मनात झिरपे
.... अनामिक भिती

प्रेम कोणावर करावं?

एकदा मी देवाला विचारले,
"प्रेम कोणावर करावं?"

देव हसला, म्हणाला,
"प्रेम सर्वांवर करावं"
   
"प्रेम आराध्यावर करावं ..
पुजा आवडली .. प्रेम करावं,
ज्योती आवडली .. प्रेम करावं.

प्रेम आरतीवर करावं..
प्रार्थना, अर्चना, वंदना,  उपासना ..
जी आवडेल .. प्रेम तिच्यावर करावं.

प्रेम करावं नदीवर ..
गंगा, यमुना, गोदावरीवर ..
सरस्वती, नर्मदा, कावेरीवर ..

प्रेम करावं दिशावर ..
पूर्वा, पश्चिमा, उत्तरा,
आणि दक्षिणावर ..

चंद्रावर किंवा चंदावर ..
प्रिती जरूर असावी.
पौर्णिमा, पूनम, चांदणी ..
सहज आवडून जावी.

प्रेम जडावं नक्षत्रावर ..
अश्विनी, रोहिणी, कृत्तिकावर ..
फाल्गुनी, आश्लेषा, अनुराधावर ..
रेवती, स्वाती, चित्रा, आणि विशाखावर ..
प्रेम सर्वांवर करावं.

आशयघन प्रेरणा ..
सुंदर रचना ..
कला, कल्पना ..
सर्वांवर प्रेम करावं.

नटलेली वसुधा आणि
सुंदर चित्रावरसुद्धा प्रेम करावं.

प्रेम तनुवर करावं ..
अनामिका आणि अंजलीवर करावं ..
शिखा, कर्णिका आणि नेत्रावर करावं.

भाळावे सौंदर्यावर आणि  ऐश्वर्यावर ..
भाळावे  किर्तीवर, भक्तीवर आणि शक्तीवर ..
तसेच तृष्णा आणि तृप्ती ..
दोन्हीवर प्रेम करावं.

प्रेम निर्मळ असतं.
सहज जमून गेलं ..
त्यांनाच जमतं.
निर्मळता नसेल ..
तर उरते वासना ..
आणि ..
शरीराशी निगडीत भावना ..
मग प्रेम असतं फक्त नावावर ..
त्या त्या नावाच्या शरीरावर ..

प्रेम सर्वांवर करावं ..
पण शरीराच्या पल्याड जाऊन मनावर करावं.

शक्य तितक सांगितलं.
बघ तुला कितपत समजलं."

म्हटलं तर सरळ
म्हटलं तर गहन
विचारात गढलय
माझं मन