आमंत्रण

तुझा .... माझा काय संबंध
संबंध म्हणू की ऋणानुबंध
का आवडतोस तू मला ...आणि मी तुला
आठवण येताच ... का ओढ पडते काळजाला
तुझ्या माझ्या सयीने भारून गेलाय मनाचा गाभारा
हर घडी एकाच लयीत वाजतोय ह्रदयाचा नगारा
मोजून बघ ना ठोका न् ठोका
एकच ताल अन् एकच ठेका
सोबत तुझ्या मुरलीची तान
आणि मग माझं मन बेभान
आसमंतात अजब गजब रंगांची उधळण
डोळ्यात तुझ्या नाना रुपांची घुसळण
घट्ट मिटले होऊन अनावर
तर शरीरभर पसरते रे लहर
आणि मग सुटते नियंत्रण
उरते फक्त ..... आमंत्रण
उरते फक्त ..... आमंत्रण
उरते फक्त ..... आमंत्रण