फुलपाखरू

असता नसता ऋतूवर वर्षा मलमली पंख मी ल्यावे
फुलपाखरू बनुनी फिरावे दोनच दिवस जगावे

बनण्या पाऊस थेंबा उडूनी आकाशास भिडावे
अलगद उतरून पानावरती दवबिंदू व्हावे
फुलपाखरू बनुनी फिरावे दोनच दिवस जगावे

रवीकिरणाच्या शिडीवरूनी कवेत नभ घ्यावे
वीज बनुनी कोसळून मग धरतीस मिळून जावे
फुलपाखरू बनुनी फिरावे दोनच दिवस जगावे

कधी पतंगा बनून ज्योतीसह झिंगावे पिंगावे
प्रणय भावने झेप घेऊनी क्षणात संपून जावे
फुलपाखरू बनुनी फिरावे दोनच दिवस जगावे


1 मे 2017