तू येताना ... आणि जाताना

जाणवला माझ्यातला जिवंतपणा ..
तू येताना ... आणि जाताना          

येताना ऐकू येत होती ह्रदयाची धडधड
जाताना श्वास उगाचच झाला होता जड

येताना बेफिकीर .. चहुबाजूला पहाणे
पण फितूर डोळ्यांचे आतुर होणे
जाताना डोळ्यात काही शिरल्याचे बहाणे
आणि अलगद पाणी टिपून माघारी वळणे

हातांची थरथर अणि शरीराला कंप
येताना हुरहूर व्यापून टाकते अंग
जाताना शरीरही पुकारते संप
चेहराही पडतो .. उडून जातो रंग

येतेस ती येतेस .. चेतना जागवतेस
प्राण फुंकून देहात .. परत का जातेस