रंग आभाळाचे
निळ्या निळ्या आकाशाला .. नवे नवे रंग हवे
ऐन दुपारच्या वेळी .. वाढू लागली झळाळी
वरी सुर्य पेटे तरी .. चारी दिशा नीळनिळी
उन्हे उतरू लागली .. उभी कमान आभाळी
इंद्रधनू सप्तरंगी .. सांज सांडते ओंजळी
मालवून सुर्यदीप .. तारकांची शाल ल्याली
मंद हासोनिया निशा .. चाले हलक्या पाऊली
कधी चंद्रमाची कोर .. कधी पूर्ण चंद्रबिंब
रुपेहरी चांदण्यात .. अंग भिजले ग चिंब
पाहुनिया उधळण .. जरी नयन निवले
मिटलेल्या पापणीत .. उद्या पुन्हा रंग नवे
No comments:
Post a Comment