नजर

नको पाहू तू रोखून नजरेला
लाली लाजेची पसरली गालाला

रात्र पहिली ... पहिला प्रहर
खिळली खट्याळ, तुझी रे नजर
झुकली पापणी, मनी थरथर
अंगी भिरभिरली ... लहर ... लहर
मोरावाणी पिसारा फैलावला
लाली लाजेची पसरली गालाला
नको पाहू तू रोखून नजरेला

खंजिरी नजर ... घाव गहिरा
मिटल्या डोळ्यातून काळजाला भिडला
टक लावून, नको ना रे पाहू तू
ठिणगी इश्काची आत नको लावू तू
ऊरी धडधड ... अंगी कंप सुटला
लाली लाजेची पसरली गालाला
नको पाहू तू रोखून नजरेला