|| श्री स्वामी समर्थ - आरती ||

महाविष्णू तू महादेव तू

तू ब्रम्हा तू श्री स्वामी ||

वंदन करिती भक्त सकल तव

कृपा वर्षवी हे स्वामी ||

तू जगदंबा तूची भवानी

तू काली तू श्रीलक्ष्मी ||

माय माउली तूची आमुची

कृपा वर्षवी हे स्वामी ||

तू कर्ता अन तूच करविता

तू त्राता मज सांभाळी  ||

लीन होवुनी तुला विनवितो

कृपा वर्षवी हे स्वामी ||

अनादी तू अन अनंत तरीही

आदि अंत तू या जीवनी ||

सखा म्हणे हर जन्मी तुझा मी

कृपा वर्षवी हे स्वामी  ||