वाटचाल एक साथ ५० वर्षे

मधामधे भिजल्या शब्दा ... जिव्हेवर ठेवू
तुझ्या सुरामध्ये माझ्या ... स्वरांना नहावू
आज पुन्हा आठवूनी ... गीत जुने गाऊ

झुंज वादळाशी घेत ... तुझी माझी साथ
झेलेले ते सारे घाव ... गुंफुनीया हात
एक क्षणा विसरुनी सारे ... मिसळूनिया जाऊ
आज पुन्हा आठवूनी ... गीत जुने गाऊ

वाट चालताना ... किती पुढे आलो
जीवनरथ धावताना ... चाके दोन झालो
एक साथ दोन्ही डोळे ... आरशात पाहू
आज पुन्हा आठवूनी ... गीत जुने गाऊ

मनी लहर झंकारली या ... जरी तू अबोल
नव्याची नव्हाळी नाही ... तरी अनमोल
पापणीत चांदण्यांचा ... दिवा पुन्हा तेवू
आज पुन्हा आठवूनी ... गीत जुने गाऊ